Абнаўленьні ўводзяцца ад 1 верасьня.
Што зьмяняецца ў ПДР?
- Садаводчыя таварыствы будуць лічыцца жылой зонай. Пешыя і раварысты будуць мець прыярытэт, аднак ім забаронена знарок замінаць руху аўтамабіляў.
- Дазволены рух мотаблёкаў. Ім можна рухацца ў сьветлую пару на дарогах з дапушчальнай хуткасьцю руху да 90 км/г. Рухацца можна толькі на ўзбочыне, а калі яе няма — не далей за 1 м ад краю праезнай часткі.
- Дазваляюцца танаваньне, фіранкі ці плёнка на задняй шыбе і задніх бакавых. Абмежаваньня на прапушчальнасьць сьвятла няма.
- У зімовы пэрыяд забараняецца язда на ўсесэзонных шынах.
Дзьмітры Ротчанкаў асобна папярэдзіў кіроўцаў, што танаваньне дапускаецца толькі на задняй шыбе і задніх бакавых.
«Хачу папярэдзіць усіх кіроўцаў: нароўні з гэтым дазволам ДАІ будзе вельмі пільна зважаць для спыненьня правапарушэньняў, калі кіроўцы наносяць плёначныя пакрыцьці на пярэднюю шыбу аўтамабіля. У такім выпадку гэта парушэньне правілаў дарожнага руху. Адказнасьць за гэта прадугледжана. Мы будзем займаць зараз больш прынцыповую і жорсткую пазыцыю ў гэтым пытаньні».
Форум