Паводле падпісанага 4 жніўня ўказу № 295, з 1 верасьня ў Беларусі самакаты, манаколы і іншыя сродкі пэрсанальнай мабільнасьці павінны рухацца на ходніках не хутчэй за 10 км/г. Па роварных дарожках — да 25 км/г.
Сродак пэрсанальнай мабільнасьці — гэта прылада з электрарухавіком, якая разьвівае максымальную хуткасьць да 25 км/г, адзначаецца ў новых правілах.
Раварыстам зноў давядзецца злазіць з ровара перад пешаходным пераходам. Ня сьпешвацца яны маглі з кастрычніка 2022 году. Да таго часу забарона таксама была.
Прыладам, цяжэйшым за 35 кг, нельга будзе езьдзіць па ходніках.
А прылады, хутчэйшыя за 25 км/г, трэба будзе рэгістраваць у ДАІ.
Тэрыторыі садаводчых таварыстваў у новай рэдакцыі правілаў дарожнага руху прыраўнялі да жылых зонаў з адпаведнымі абмежаваньнямі (хуткасьць да 20 км/г, забарона транзытнага руху, прыярытэт пешаходаў).
ГЛЯДЗІЦЕ ТАКСАМА: У Беларусі зьмянілі парадак здаваньня іспыту на правы кіроўцы. Што мяняецца